Op it stuit wurket Nynke oan in foarstelling mei Noord Nederlandse Dans. Al in pear moanne is sy mei koreograaf Stephen Shropshire, elektroanysk komponiste Anne Parlevliet en de dûnsers dwaande mei it meitsjen fan TIDAL. Dizze gearwurking komt fuort út in dield langstme nei it ferlizzen fan artistike grinzen, út nijsgjirrichens nei de mooglikheden fan de keppeling fan lichem en stim, klank en beweging. Boppedat hâldt Nynke al fan jongs ôf oan fan (moderne) dûns en sjocht sy dit as in grutte artistike útdaging.
Op 30 en 31 maaie joegen it NND en Nynke in presintaasje fan harren work-in-progress. It 1e diel fan TIDAL, 'Undertow' wie yn syn earste oanset te sjen op Parkdans yn Eindhoven en yn de Stedsskouboarch yn Grins.
Dit diel sil nochris te sjen wêze op de Amsterdamse Uitmarkt op snein 29 augustus.
De jûnfoljende foarstelling giet yn premiêre op 21 oktober yn de Stedsskouboarch Grins en reiziget dan troch it lân (sjoch aginda).
SNEON LIVE YN OPIUM
Op 26 juny is Nynke te gast yn it radioprogramma Opium. Tegearre mei Ward Veenstra (gitaar), Reyer Zwart (bas) en harpiste Astrid Haring sil sy trije nûmers spylje en fertelle oer de reprise fan NOMADE dy't der oan stiet te kommen.
OPIUM, it keunst- en kultuerprogramma fan de AVRO op Radio 1 is alle sneonen te hearren fan 17.15-19.00 oere. Opium komt wykliks fanút Keninklik Teater Carré. Publyk is fan herte wolkom oan Amstel 115-125 yn Amsterdam!
